Գիտնականները «կարդացել են» մկների մտքերը

Ստենդֆորցի գիտնականներն իրական ժամանակում կենդանի մկների ուղեղի ակտիվությանը հետևելու միջոց են գտել: Այս աշխատանքը կարող է օգնել նեյրոգեներատիվ հիվանդությունների, ինչպիսին է Ալցգեյմերի հիվանդությունը, բուժման նոր մեթոդներ ստեղծելու գործում, հայտնում է novostiua.net-ը:

Գիտնականներն առաջին անգամ օգտագործել են գենային թերապիա, որպեսզի մկների նեյրոնները կանաչ սպիտակուց արտադրեն, որը մշակվել է կալցիումի իոնների նկատմամբ զգայուն լինելու համար:

Մկների հիպոկամպից մի փոքր վերև փոխպատվաստված փոքրիկ միկրոսկոպը, որը պատասխանատու է տարածական և էպիզոդիկ հիշողության համար, արձակում է մոտ 700 նեյրոնի լույս: Միկրոսկոպը միացված է տեսախցիկի չիպին, որը պատկերի թվային տարբերակն ուղարկում է համակարգչի էկրան: 

Այնուհետ համակարգիչը ցուցադրում է իրական ժամանակում մկան ուղեղի ակտիվության տեսանյութը:

Գիտնականները պարզել են, որ մկների նեյրոնները լուսարձակում են նույն օրինաչափությամբ, նույնիսկ՝ փորձերի միջև մեկամսյա ընդհատումներից հետո:

Ապագայում, եթե կոնկրետ նեյրոնը մկան մեջ դադարի գործել բնական մահվան կամ նեյրոդեգեներատիվ հիվանդության պատճառով, գիտնականները կկարողանան նոր թերապիա փորձել, հետո փորձարկել մկներին, որպեսզի տեսնեն՝ վերականգնվե՞լ է նեյրոնը, թե՞ ոչ և արդյո՞ք նույն գրգռիչները նույնպիսի արձագանք են առաջացնում:

Հարցեր, պատասխաններ, մեկնաբանություններ